Аквафаба чоколаден мус
Состојки:
- течноста од 1 конзерва наут*
- 1 црно чоколадо
- 1 лажица кокосово масло, стопено
- тостирани јаткасти плодови, гранола, овошје и слично за топинг (по желба)
* Во овој рецепт ќе ја користиме само водата во која што стои наутот во конзерва. Зрното наут чувајте го за друга употреба.
Начин на подготовка:
- Во длабок сад се додава течноста од наут или така наречена аквафаба. Со електричен миксер се мати се додека не се згусне смесата и не се дуплира од првобитната состојба. Течноста треба да се претвори во кремаста, бела и цврста смеса слично на матени белки од јајце
- Во микробранова или на рингла на тивка температура се растопува чоколадото заедно со кокосовото масло. Кога потполно ќе се стопи, се трга од оган и се остава да се олади 10тина минути
- Постепено се додава од чоколадото во аквафаба смесата и во исто време се меша со силиконска шпатула. Се користат нежни движења и се додава по малку од чоколадото за се убаво да се измеша без притоа да се изгуби кремавата текстура на аквафабата.
- Се распоредува смесата во теглички или мали садчиња и се остава во фрижидер да зацврсти најмалку 2 часа
- Бидејќи текстурата на мусот е многу нежна и лесно се топи – топинзите се додаваат пред сервирање. Доколку не го сервирате веднаш, чувајте ги мусот и топинзите во различни садови.
- Мусот може да се чува во фрижидер до 2-3 дена.
ЗАБЕЛЕШКИ И СОВЕТИ:
→ Течноста од наут од конзерва НЕМОЖЕ да се замени со течноста од наут во тегла, затоа користете исклучиво во конзерва.
(Visited 2.519 times, 1 visits today)