

Состојки:
- 2 cup (450 гр.) пире од тиква
- 2 јајца
- 1 cup (240 мл.) млеко од бадем
- 1/2 cup (160 гр.) јаворов сируп
- 1/2 лажичка ванила екстракт
- 2+1/2 cup (225 гр.) овес, крупен
- 2 лажички прашок за пециво
- 2 лажички цимет
- 1/2 cup (85 гр.) чоколадни парчиња + една шака за топинг
Начин на подготовка:
- Се загрева рерната на 170º и се поставува хартија за печење на калап за печење. Јас користев сад со димензии 20х20.
- Во голем длабок сад се додаваат пирето од тиква, јајцата, млеко од бадем, ванила и јаворов сируп. Се промешува се додека не се соединат состојките.
- На оваа смеса, во истиот сад се додаваат и сите останати состојки освен чоколадните парчиња. Се промешува. Смесата треба да биде прилично течна. Ако ви искочи многу густа додадете уште 1/4 cup млеко.
- На крај се додаваат и чоколадните парчиња и се распоредуваат низ смесата.
- Се додава смесата во калапот за печење.
- Се додаваат и остатокот од чоколадните парчиња на површината од колачот.
- Се пече 35 минути.
- Се остава да се олади пред да се исече на барови. Додека е уште топло, ќе биде меко и ќе се распаѓа, затоа е многу важно да го оставите да се олади пред да сечете. Не е лошо ни така распаднато ама ако сакате барови – тогаш обавезно следете го овој чекор.
ЗАБЕЛЕШКИ И СОВЕТИ:
→ Можете слободно да користите и ситен овес ама моја топла препорака заз овој рецепт да набавите крупен овес за најдобри резултати.
→ Јаворовиот сируп може да се замени со било кој друг течен засладувач.
→ Ако сакате да ви биде ова опција за доручек – би ви препорачала да намалите на чоколадните парчиња во составот – за мене лично вака е одличен десерт ама јас сакам по неутрален доручек па дури и кога е благ.
→ Наместо чоколадни парчиња може да користите сецкани јаткасти плодови (ореви би оделе идеално во оваа комбинација), кокос и слично…
(Visited 2.536 times, 1 visits today)