Состојки:

 • 110 гр. (1 cup) кокосово брашно

• 60 гр. (1/3 cup) кокосов шеќер

• 1/2 лажичка сода бикарбона

• 4 лажици Грчки јогурт

• 4 лажици путер од индиски ореви 

  • 5 лажици сируп од урма 

Начин на подготовка:

  1. Се загрева рерната на 180º и се поставува хартија за печење на тава за печење.
  2. Во длабок сад се додаваат брашното, шеќерот и сода бикарбона. Се промешува. 
  3. На оваа смеса се додаваат и останатите состојки и повторно се промешува за да се добие соединета смеса. Смесата ќе биде доста густа.
  4. Се формираат топчиња (бомбици) и се додаваат на тавата за печење. Се притиснуваат одозгора за да се “сплескаат”. Не се секирајте ако се распукуваат. Пробајте да им ја одржите формата колку што можете повеќе ама не е страшно и ако не се перфектни.
  5. Се печат 12тина минути. Остаете да се оладат пред да ги тргнете од тавата. Ќе бидат доста меки кога ќе искочат од печење ама како се ладат, така ќе се стврднуваат. 
  6. Јас одозгора додадов Грчки јогурт помешан со малку јаворов сируп, ама тоа е скрос опционално.

ЗАБЕЛЕШКИ И СОВЕТИ:

→ Кокосовото брашно не препорачувам да се заменува со друго брашно. Инаку се работи за кокосово брашно, а не кокосови снегулки !

→ Кокосовиот шеќер може да се замени со друг засладувач во гранули.

→ Путерот од индиски ореви може да се замени со било каков друг путер од јаткасти плодови меѓутоа вкусот на колачињата ќе се измени.

→ Сирупот од урма може да се замени со друг течен засладувач ама исто како и путерот од индиски, ќе го промени вкусот. 

→ Комбинацијата на путер од индиски ореви и сируп од урма го дава баш оној специфичен cinnamon bun вкус. Ако сакате да се задржите на тоа – тогаш следете го рецептот како што е напишан. Доколку измените вкусот ќе се измени, но би биле подеднакво вкусни.

(Visited 548 times, 1 visits today)

Leave A Comment

Вашата адреса за е-пошта нема да биде објавена.