Гранола  чашки

Состојки

• 250 гр. (2+1/2 cups) крупни овесни снегулки
• 65 гр. (1/2 cup) ореви
• 3 лажици путер од бадеми
• 85 гр. (1/4 cup) мед
• 2 белки од јајца
• ½ лажичка ванила (опционално)
• малку сол

Начин на подготовка

1. Најпрво се загрева рерната на 160° и се поставуваат каписли во тава за мафини. Капислите помагаат за полесно вадење на гранола чашките кога ќе се испечат
2. Во блендер или мултипрактик (може да се користи и нож и рачно да се исецкаат) се додаваат оревите и се пулсираат се додека не се направат во мали парчиња
3. Се додаваат во длабок сад. Во истиот сад се додаваат и овесните снегулки и малку сол. Се промешува
4. Во оделен сад се додаваат путерот од бадеми, мед и ванила доколку се користи. Со маталка се меша се додека смесата не се соедини и не се добие кремаста густа текстура
5. Течната смеса се додава во смесата со овес и ореви и се промешува се додека целата сува смеса не е опфатена со течната
6. Во мало длабоко садче се додаваат белките и користејки маталка се матат се додека не појават меурчиња и не се добие лесна пуфлеста смеса
7. Се доаваат матените белки на смесата и со дрвена лажица лесно и нежно се промешува. Не се претерува со мешање доволно само да биде подеднакво распоредено
8. Се распоредува смесата подеднакво во поставените каписли. (според мојата тава – искочија 9 чашки вкупно)
9. Со дланки или со лажица се притиснува смесата од страните и на дното така што ќе се создаде форма на чашка. Се притиснува убаво за смесата да биде цврста и да не се распадне при печење
10. Чашките се печат 15 минути односно додека не добијат златеникаста боја
11. Се оставаат комплетно да се оладат и потоа се вадат капислите внимателно и се додава филинг по желба
12. На сликата погоре чашките се наполнети со карамел од урми и стопено црно чоколадо. Може да се наполнат со Грчки јогурт како полесна варијанта, со пудинг, со крем од индиски ореви, со џем и слично.
13. Доколку не се конзумираат веднаш, топинзите и филингот се складираат одеделно и се додаваат веднаш пред конзумирање.