Какао (палео) палачинки со карамелизирани јаболки

Состојки:

• 2 банани
• 4 јајца
• 6 лажици мелени бадеми
• 1 лажица какао
• 1 лажица мед (или засладувач по желба)
• 1 лажичка цимет
• малку сол

Карамелизирани јаболки:

• 1 црвено јаболко
• 1 лажичка кокосово масло
• 1/2 лажичка цимет

Начин на подготовка:

1. Во блендер се додаваат бананите и се блендира се додека не се испасира. 
2. Се додаваат јајцата и повторно се блендира.
3. Се додаваат останатите состојки и се блендира се додека смесата не се изедначи и соедини.
4. Смесата треба да биде поретка и течна од вообичаено, меѓутоа доколку е премногу водлеста се додаваат уште неколку лажици мелени бадеми.
5. Се загрева нелепливо тавче на ниска температура и се додава малку масло. Јас користев кокосово масло меѓутоа може да се користи било какво масло по желба.
6. Кога маслото ќе се загрее се додаваат 2 лажици од смесата во центарот на тавата и се формира палачинка. 
7. Се пржи неколку минути, се превртува и се пржи дополнителни 2-3 минути.
8. Се повторува постапката за остатокот од смесата.
9. Се мие, лупи и сецка на коцки јаболкото. Во тавата во која ги пржевме палачинките се додава 1 лажичка кокосово масло и на средно-висока температура се додава исецканото јаболко. Се додава и циметот и се пропржува неколку минути, за да се карамелизира јаболкото. 
10. Се сервираат палачинките со карамелизираните јаболки и дополнителни топинзи по желба.