Состојки:

За пилешко:

  • 500 гр. пилешки гради, исецкани на помали парчиња
  • сок од 1 лимон
  • маслиново масло
  • многу магдонос, ситно исецкан
  • 1-2 чешниња лук, ситно исецкан или гмечен
  • 1 лажичка сол 
  • 1/2 лажичка бибер
  • 1 лажичка црвен пипер

За авокадо/домат салса:

  • 1 авокадо
  • 1 домат
  • пола главица кромид
  • сок од 1 лимон
  • сол и бибер по желба
  • малку маслиново масло

Начин на подготовка: 

  1. Во мало тањирче се додаваат сите состојки освен пилешкото. Се промешуваат убаво па се додаваат врз парчињата пилешко и убаво се размешува за секое парче да биде опфатено со маринарата. Доколку имате можност оставете од вечерта претходно да се маринара, а ако не – барем неколку минутки додека се загрева грил тавата. 
  2. Се додава масло на грил тавата и се остава да се загрее убаво пред да се додаде пилешкото. Се пржат по 4-5 минути од страна на средно-висока температура. Се тргаат од оган и се подготвува салсата. 
  3. Се сецкаат авокадото, кромидот, и доматот на коцки. Се додаваат во голем длабок тањир.
  4. Се додава маслиновото масло, зачините и лимонот и се промешува за состојките да се соединат. 
  5. Се сервира пилешкото со салсата и дополнително ориз ако сакате 🙂 
  6. Enjoy..

СОВЕТ:

→ одлично за meal prep !!! Може да си подготвите дупла доза од се, да чувате во оделни садови и пред конзумирање, стоплете па склопете во оброк. ПРЕ ВКУ СНО! А и идеално за летниве горештини зошто е доста лесно, а сепак заситува и е нутритивно богат оброк. 

(Visited 2.919 times, 1 visits today)

Leave A Comment

Вашата адреса за е-пошта нема да биде објавена. Задолжителните полиња се означени со *