Бадем мафини

Состојки:

  • 240 гр. (2 cups) мелени бадеми
  • 25 гр. (1/4 cup) какао (види забелешки за опција без какао)
  • 2 лажици мелено ленено семе
  • 1+1/2 лажичка прашок за пециво
  • малку сол
  • 2 јајца
  • 110 гр. (1/3 cup) мед
  • 33 гр. (1/4 cup) маслиново масло
  • 1 лажичка ванила

За фростингот:

шлаг од кокосов крем

Начин на подготовка:

  1. Се загрева рерната на 180º и се поставува хартија за печење или каписли во тава за мафини.
  2. Во голем длабок сад се додаваат мелените бадеми, какаото, прашок за пециво и малку сол. Се промешува.
  3. Во истиот сад се додаваат и сите останати состојки и повторно се промешува се додека смесата не е изедначена и соединета. Смесата треба да биде густа и леплива. Може да користите миксер за поубаво соединување или пак рачно да мешате.
  4. Смесата се распоредува во 6 мафини за full size мафини или пак во 10 за помали мафини.
  5. Се печат 10-15 минути. Мафините се готови кога со чачкалица или нож ќе боцнете во нив и чачкалица ќе искочи чиста без останата смеса.
  6. Се оставаат да се оладат пред да се извадат од тавата за мафини.
  7. Доколку користите фростинг – оставете комплетно да се оладат пред да се филуваат. Доколку не се конзумираат веднаш, не ги мачкајте со фростинг. Чувајте во одделен сад и додадете го пред конзумирање.

ЗАБЕЛЕШКИ И СОВЕТИ:

→ Бадемите мерете ги одкако ќе ги изблендирате. 

→ За мелење на бадемите и лененото семе (доколку немате веќе готови) користете блендер. Блендирајте се додека не се добие брашнеста тесктура.

→ Медот може да се замени со било каков течен засладувач.

→ Маслиновото масло може да се замени со било какво масло. Сончогледово, кокосово, масло од грозје…. Кога ќе се искомбинира со останатите состојки – нема никаков вкус така да не се грижете за тоа. 

→ Слободно може да додадете некои fun топинзи во смесата пред печење. Малини, чоколадни парчиња, јаболи, оревчиња и слично.

→ За опција без какао – следете го потполно истиот рецепт, исфрлете го какао-то и додадете 1/4 cup (неколку лажици) повеќе мелени бадеми. Додавајте постепено се додека смесата не стане густа и леплива.

(Visited 3.611 times, 1 visits today)

Leave A Comment

Вашата адреса за е-пошта нема да биде објавена. Задолжителните полиња се означени со *