Состојки:

• 2+1/2 cup (250 гр.) овесно брашно
• 1/3 cup (40 гр.) какао
• 1 лажичка цимет
• 1 лажичка сода бикарбона
• 3 лажици кокосово масло
• 1+1/4 cup (300 мл.) кисела вода
• 4 лажици џем од кајсии
• 2-3 лажици кокосов шеќер ***

Топинг:

• 1 црно чоколадо (80%)
• 2 лажички кокосово масло
• 3 лажици џем од кајсии

*** јас не користев кокосов шеќер како дополнителен засладувач зошто џемот од кајсии и чоколадото ми беше доволно благо. Ама ако сакате да бидат поблагички, слободно додадете во смесата 2-3 лажици кокосов шеќер или било каков засладувач по желба.

Начин на подготовка:

1. Се загрева рерната на 180º и се поставува хартија за печење на тава за печење. Јас користев коцкаста тава 20 см. 
2. Во голем длабок сад се додаваат сите состојки и се промешува се додека не се соединат и не се добие густа смеса. Ако смесата е прегуста и тешка за работа, додадете уште малку масло или кисела вода. 
3. Се додава смесата во тавата за печење и се пече 12-15 минути. 
4. Додека колачот се пече, во мало тенџерче се додаваат чоколадото и кокосовото масло. На многу ниска температура оставете да се стопи чоколадото. 
5. Прелијте го топлиот колач со 3те лажици џем и стопеното чоколадо. 
6. Оставете малку да се олади и стврдне пред да го исечете. 
7. Чувајте на собна температура 2 дена или во затворен стаклен сад до 5 дена.