Лесни овесни вафли

Состојки

• 100 гр. брашно од овес (сомелени овесни снегулки)
• 120 мл. млеко од бадем 
• 55 гр. кокосово масло, стопено
• 2 лажици јаворов сируп
• 1/2 лажичка сода бикарбона
• 1 лажичка јаболков оцет
• 1 лажичка ванила (по желба)

Начин на подготовка

1. Во длабок сад се додаваат сите течни состојки (млеко,кокосово масло,јаворов сируп и јаболков оцет) и се промешува додека не се соедини смесата
2. На оваа смеса се додаваат останатите состојки и повторно се промешува
3. Се остава смесата да отстои 10тина минути а во меѓувреме се загрева апаратот за вафли и се премачкува со малку кокосово масло за да се одбегне лепење на смесата
4. Се додава од смесата и се остава да се испече околу 5-8 минути во зависност од типот и моделот на апаратот
5. Се повторува истото со остатокот од смеса
6. По желба се додаваат топинзи при сервирање. Топло препорачувам да се сервираат со свежо овошје и иситнети јаткасти плодови и уште малку јаворов сируп

ЗАБЕЛЕШКИ и СОВЕТИ

→ Млекото од бадем може да се замени со било какво млеко

→ Кокосовото масло се мери одкако ќе биде стопено 

→ Вафлите може да се замрзнат и да стојат до 1 месец. За да се направи тоа потребно е претходно да се оладат и да се спакуваат во одделни кеси за замрзнување.Пред конзумирање се вадат од замрзнивач и или се стоплуваат во рерна или на тава со малку кокосово масло