Палео BERRY CRUMBLE

Состојки

Овошен дел

• 450 гр. свежо шумско овошје *
• 1 лажица јаворов сируп
• 2 лажици свеж сок од лимон
• ½ лажичка ванила

*Може да се користи и замрзнато шумско овошје, само се остава од вечерта претходно да се одмрзне комплетно. Убаво да се исцеди од водата пред да се додаде. 

Crumble дел

• 50 гр. бадеми
• 50 гр. ореви
• 30 гр. семки од тиква
• 3 лажици мелено ленено семе
• 3 лажици јаворов сируп
• 3 лажици мелени бадеми
• 2 лажици тапиока брашно (или обично бело брашно)
• 50 гр. кокосово масло, стопено
• 1 лажичка цимет
• малку сол

Начин на подготовка

1. Се загрева рерната на 170° и се подготвува длабок сад за печење
2. Во длабок сад се додаваат сите состојки за овошниот дел и нежно се промешуваат. Ако се користи замрзнато овошје особено се внимава да се се згмечат и растурат. Смесата се додава во садот за печење и се рапсоредува рамномерно
3. Во сецко или блендер се додаваат бадемите,оревите и семките од тиква. Неколку пати се пулсираат за да се иситнат на помали парчиња. Може да се исецкаат и на рака. Се додаваат во сад 
4. На оваа смеса се додава меленото ленено семе,мелените бадеми,цимет, брашно и сол. Се промешува
5. Се додаваат и останатите течни состојки и се промешува
6. Ако имате проблем со мешање на смесата користете ги врвовите од прстите и промешајте убаво се додека не се добие растурена малку сува смеса во парчиња
7. Се додава оваа смеса на овошниот дел и се распоредува рамномерно за да го покрие првиот дел
8. Се пече 20 минути. Готово е кога горниот дел ќе добие златеникаста боја

Забелешки и СОВЕТИ

• Оревите и бадемите може да се заменат со било кои јаткасти плодови
• Шумското овошје може да се замени со било кое овошје по желба. Јаболки се исто превкусни во овој рецепт
• Тапиока брашно може да се најде во Зегин Healthy Food и други продавници за здрава исхрана
• Може да се чува во фрижидер до 5-6 дена само не заборавајте да го затворите или во стаклен сад или да го поклопите со фолија