Состојки:

• 230 гр. (2 cups) оревчиња
• 150 гр. (1 cup) бадеми
• 130 гр. (1 cup) лешници
• 70 гр. (1 cup) кокосов чипс
• 65 гр.(1/2 cup) семки од сончоглед
• 40 гр. (1/4 cup + 2 лажици) сусам
• малку сол
• 2 лажички цимет
• 170 гр. пире од јаболки (домашно или купечко)
• 2 лажици мед или било кој течен засладувач
• 100 гр. (1/2 cup) кокосово масло, стопено
• 2 лажици чиа семе или ленено семе

Начин на подготовка:

1. Се загрева рерната на 160° и се поставува хартија за печење на тава за печење. Излегува доста од смесата и мене ми беа потребни две тави, за убаво да се распореди. Па или подгответе една огромна тава или две помали.
2. Сите јаткасти плодови се сецкаат на мали (нееднакви) парчиња. Јас сакам да оставам и по големи парчиња за повеќе текстура. За побрзо и полесно може да се користи и блендер или сецко само внимавајте да не блендирате премногу и да се направат ептен ситни парчиња. Пулсирачка опција е идеално.
3. Се додаваат во голем длабок сад заедно со кокосовиот чипс, семки од сончоглед, цимет, сусам малку сол. Се промешува се убаво да се соединат сите состојки.
4. Во помал сад се додаваат кокосовото масло, пирето од јаболки, мед  и чиа семето. Се промешува се убаво. Чиа семето го додаваме тука за да се помогне во текстурата да се направи како гел и ќе го користиме како “јајце” за да помогне да добиеме соединети “плочки” наместо растурена гранола.
5. Се додава оваа смеса на големиот сад со суви состојки. Најубаво со раце се да се промеша и сите суви состојки да бидат соединети со течната смеса.
6. Се поставува смесата на тавата за печење (или две) и се распоредува така што треба да биде во еден слој.
7. Се пече 10 минути. Се врти тавата ама НЕ ЈА МЕШАЈТЕ гранолата! Се пече уште дополнителни 15 минути. Гранолата треба да добие златеникаста боја и да биде баш убаво потпеченка. Се остава комплетно да се олади пред да се искрши на парчиња. Многу е важно да не се меша при печење и да се остави комплетно да се олади ако сакате да добиете плочки од гранола. Ако не ви е важно тоа – слободно мешајте колку сакате : ).

ЗАБЕЛЕШКИ И СОВЕТИ:

→ Гранолата искача во многу голема количина што ја прави супер опција за meal prep. Може да ја чувате во затворен сад или тегла до 2 недели во ладилник. Користете по потреба.

→ Може слободно да ја адаптирате со тоа што имате по дома. Јаткастите плодови може да се мешаат и комбинираат како сакате, само нека бидат во таа вкупна количина.

→ Со оглед на тоа што има многу малку засладувач на таа количин – ова е low sugar рецептче па ако не сте фан на low sugar рецепти – слободно додадете повеќе засладувач.