Пилешко сувлаки со сос од Грчки јогурт

Состојки:

• 500 гр. пилешки гради
• сок од еден лимон
• 6 лажици маслиново масло
• 1 чешне лукче, исецкано или 1/2 лажичка лук во прав
• 1 лажичка сол
• 2 лажички копар во зачин (или свеж)
• 1 лажичка оригано
• 1/4 лажичка бибер
• 4 стапчиња за сувлаки

Сос од Грчки јогурт:

• 1 cup (едно мало пакување) Грчки јогурт или павлака 
• Неколку гранчиња ситно исецкан магдонос
• сок од 1 лимон
• 1 лажичка кимион (зачин)

Начин на подготовка:

1. Се сецка пилешкото на мали парчиња (како за ражничи) и се додава во голем длабок сад
2. Се додаваат сите останати состојки и се промешува за секое парче да биде опфатено и прелиено со сосот
3. Се поктива садот со пилешкото и се остава во ладилник, да отстои најмалку 2 часа, а идеално преку ноќ. Колку повеќе време се маринира – толку поинтензивен ќе биде вкусот
4. Се редат парчињата месо на стапчињата
5. Се загрева грил тава на средна температура и се додава малку масло
6. Кога ќе се загрее маслото, се додаваат стапчињата и се пржат по 7-10 минути од секоја страна.
7. За сосот од Грчки јогурт, се додаваат сите состојки во мал длабок сад, се промешува се додека не се соедини и доколку е потребно се додава малку масло или вода за да се изретчи.
8. Се сервира топло или пак чувајте во ладилник до 5 дена. Доколку не се сервира веднаш, тогаш чувајте го сосот во одделен сад од ражничите