Состојки:

• 3 моркови
• 1/2 од кромид
• масло за готвење
• 1 конзерва наут
• 1 тегла доматен сос
• 1 ќесичка спанаќ
• ориз по желба
• зачини по желба***

*** ако доматниот сос ви е веќе зачинет, нема потреба да претерувате со зачини ама ако не е тогаш слободно додадете микс од зачини. Сол, бибер, оригано, кимион, кари, малку лутко и слично…

Начин на подготовка:

1. Морковите и кромидот убаво се премиваат, се лупат и се сецкаат на мали коцкички. Наутот од тегла се премива со чиста вода и се процедува. 
2. Во тавче, на средно-висока температура се додава масло за готвење. Се додаваат сецканите моркови и кромид и се остава да се пропржи неколку минутки. Се додава и наутот, се промешува и повторно се остава неколку минутки да се пропржи.
3. Се додава доматното пире и убаво се размешува за сите состојки да се соединат. Доколку користите зачини, додадете ги и нив. 
4. Намалете ја температурата на ниско, поклопете со капак и оставете да се крчка 15-20 минути за сите вкусови да се соединат. 
5. На крај се додава и спанаќот, се промешува и се поклопува за да се зготви. Се трга тавата од оган. По желба додадете и малку магдонос одозгора за свежина. 
6. Сервирајте со ориз или како целосен оброк.