Состојки:

  • 2 зрели банани (колку позрели, толку подобро), пасирани
  • 160 гр. (1/2 cup) јаворов сируп
  • 125 гр. (1/2 cup) путер од бадеми
  • 100 гр. (1 cup) овесно брашно
  • 3 (полни) лажици какао
  • 1 лажичка прашок за пециво
  • 1 шака замрзнати малини

Начин на подготовка:

  1. Се загрева рерната на 175º и се додава хартија за печење на тава за печење леб. Или било каква тава/калап по желба.
  2. Во голем длабок сад се додава пирето од банани, путер од бадем и јаворовиот сируп. Се промешува се додека не се добие соединета смеса. 
  3. На оваа смеса се додаваат и останатите суви состојки (освен малините) и повторно се промешува.
  4. Се додава добиената смеса во претходно подготвената тава и убаво се израмнува. Се додаваат и замрзнатите малини одозгора и се притиснуваат за малку да навлезат во тестото. 
  5. Се пече 40-45 минути со тоа што после 30тина минути со чепкалка проверете до каде е. Ако чепкалката излезе чиста – лепчето е готово, ако остане тесто – значи му требаат уште дополнителни 5-10 минути.
  6. Се остава да се олади барем 15тина минути пред да се исече. Текстурата на ова лепче е меко и сочно од внатре, а закоравенко и цврсто одозгора. Како се лади се повеќе ќе се стегнува меѓутоа тесктурата внатре треба да остане иста. 
  7. Може да чувате 2-3 дена на собна температура (нема јајца и млеко внатре па нема ни што да се расипе) или пак во ладилник до 6 дена. 

ЗАБЕЛЕШКИ И СОВЕТИ:

→Јаворовиот сируп може да се замени со било кој друг течен засладувач. Агаве, меласа, мед, сируп од урма и слично во истата количина. 

→Путерот од бадеми секако може да се замени со било каков друг путер од јаткасти плодови или пак со таан. 

→Овесното брашно може да си го подготвите сами дома со блендирање на овесни снегулки во блендер се додека не се добие текстура на брашно.

→ Малините може да се заменат со било кое шумско овошје или пак со некој топинг по желба како на пример: вишни, капини, јаткасти плодови, кокос, чоколадни парчиња и слично….

→Лепчето не е премногу благо ама мене ми беше баш вкусно, ако сакате да биде малку по “десертесто” топла препорака да си додадете некоја лажица кокосв шеќер или чоколадни парчиња. 

(Visited 6.170 times, 1 visits today)

Leave A Comment

Вашата адреса за е-пошта нема да биде објавена.