Состојки:

  • 100 гр. (1 cup) ореви, грубо исецкани
  • 150 гр. (1 cup) семки од тиква
  • 270 гр. (3 cups) овесни снегулки, крупни
  • 1 лажичка цимет
  • 1/4 лажичка морско оревче
  • 1/2 лажичка ѓумбир
  • 55 гр. (1/4 cup) кокосово масло, стопено
  • 80 гр. (1/3 cup) пире од тиква
  • 100 гр. (1/3 cup) јаворов сируп
  • 1 белка од јајце* опционално

Начин на подготовка:

  1. Се загрева рерната на 170º и се поставува хартија за печење на тава за печење. 
  2. Во голем длабок сад се додаваат ореви, семки од тиква, овесни снегулки, цимет, морско оревче и ѓумбир. Се промешува.
  3. Во друг, мал сад се додаваат сите останати состојки (освен белката). Убаво се промешува за да се соедини смесата. 
  4. Оваа смеса се додава на сувата смеса и убаво се промешува. Бидете сигурни дека убаво е промшано и сите суви состојки се опфатени со течната смеса. 
  5. Во мал сад се додава белката од јајце и со миксер или со рачна маталка се промшеува за да запени. Се додава во смесата и многу нежно се промешува за да се соедини со останатите состојки.
  6. Се додава оваа смеса на тавата за печење и се распоредува така да биде во еден слој. Доколку тавата ви е премногу мала, подобро е да печете на два пати или користете две тави. Ова ќе овозможи целата смеса рамномерно да се испече.
  7. Јас и на крај додадов уште малку цимет, проросив одозгора пред печење. Ова е скроз по желба, ама ако сте фан на цимет do it !.
  8. Се пече 15-20 минути, со повремено проверување. Гранолата е готова кога ќе фати убава златеникаста боичка одозгора. 
  9. Оставете да се олади пред да ја складирате во сад.
  10. Гранолата може да ја чувате на собна температура 10тина дена или во ладилник до 15тина дена. Само затворете ја убаво во стаклен сад и користете по потреба. 

ЗАБЕЛЕШКИ И СОВЕТИ:

→ Оревите и семките од тиква може да се заменат со друг вид на јаткасти плодови или семки. Може и да правите комбинации по желба.

→ Овесните снегулки најубаво да бидат крупни ама ако немате достапно може и со тие ситните што се за овесна каша. Секако ќе биде убаво и вкусно.

→ Зачините се по желба и може да ги игнорирате ама мене ептен ме потсетуваат на есен па сакам да ги користам секаде каде што користам тиква. 

→ Јаворовиот сируп може да го замените со било кој друг течен залсадувач: мед, агаве, сируп од урма, меласа и слично…

→ Белката од јајце помага да се соедини смесата и по печењето да остане во поголемки плочки. Може слободно да го тргнете за веган(посна) опција или ако сакате позрнеста гранола. 

(Visited 1.035 times, 1 visits today)

Leave A Comment

Вашата адреса за е-пошта нема да биде објавена. Задолжителните полиња се означени со *